წესები და პირობები

1. ზოგადი დებულებები

BiznesData (შემდგომში „პლატფორმა“) არის ონლაინ სივრცე, სადაც რეგისტრირებული ორგანიზაციები აქვეყნებენ ბიზნეს მოთხოვნებს, ხოლო მომწოდებლები ეცნობიან მათ და გამოხატავენ ინტერესს. პლატფორმა არ არის ხელშეკრულების მხარე და არ ახორციელებს კონტრაქტის მინიჭებას.

2. რეგისტრაცია და ვერიფიკაცია

• პლატფორმით სარგებლობა შეუძლიათ საქართველოში რეგისტრირებულ იურიდიულ პირებს, ინდივიდუალურ მეწარმეებს და სხვა ორგანიზაციებს.
• ერთ საიდენტიფიკაციო ნომერზე შესაძლებელია მხოლოდ ერთი ორგანიზაციის რეგისტრაცია.
• ვერიფიკაცია ადასტურებს მომხმარებლის მიერ მოწოდებული რეგისტრაციის მონაცემების შესაბამისობას საჯარო ინფორმაციასთან და არ წარმოადგენს სახელმწიფო ორგანოს რეკომენდაციას, ლიცენზიას ან ხარისხის გარანტიას.

3. გამოწერა და წვდომა

მოთხოვნების სრული ბაზა ხელმისაწვდომია ფასიანი პაკეტით ვერიფიცირებული ორგანიზაციისთვის. წვდომის პირობები და ფასები მითითებულია „პაკეტების“ გვერდზე. გადახდა ხორციელდება გადახდის პროვაიდერის დაცულ გვერდზე.

4. სახელმწიფო შესყიდვები

პლატფორმაზე გამოქვეყნებული ინფორმაცია არ ცვლის კანონმდებლობით გათვალისწინებულ სახელმწიფო შესყიდვის პროცედურას. თუ კონკრეტული შესყიდვა ექვემდებარება სახელმწიფო შესყიდვების კანონმდებლობას, შეთავაზება და ხელშეკრულების გაფორმება უნდა განხორციელდეს შესაბამისი ოფიციალური პროცედურის ფარგლებში.

პლატფორმაზე გამოხატული ინტერესი არ წარმოადგენს ოფიციალურ სატენდერო წინადადებას და არ ანიჭებს რაიმე უპირატესობას ოფიციალურ პროცედურაში.

5. პასუხისმგებლობის შეზღუდვა

პლატფორმა არ იძლევა გარანტიას, რომ მოთხოვნა დასრულდება ხელშეკრულებით, და არ აგებს პასუხს მხარეებს შორის შეთანხმებებზე. მომხმარებელი პასუხისმგებელია მის მიერ გამოქვეყნებული ინფორმაციის სისწორეზე და კანონიერებაზე.

6. ანგარიშის შეჩერება

პლატფორმის წესების დარღვევისას ადმინისტრაცია უფლებამოსილია შეაჩეროს მოთხოვნა ან ანგარიში და, საჭიროების შემთხვევაში, მიმართოს უფლებამოსილ ორგანოებს.

7. მოქმედი სამართალი

ამ პირობებზე ვრცელდება საქართველოს კანონმდებლობა.